Sardinia

Eg var så heldig å få studere eit semester i hovudstaden på den vakre øya Sardinia, Italia. Ei perle i Middelhavet kjent for spektakulær natur, nydelege strender og ei rik kulturarv.

Det sosiale: Eg vart positivt overraska over kor bra det sosiale livet for Erasmus-studentar var der. ESN (Erasmus Student Network) arrangerte blant anna festar, båtturar, turneringar og fjellturar. På desse arrangementa vart ein kjent med andre Erasmus-studentar som var like gira som meg på å få mest mogeleg ut av opphaldet.

Eg trur det beste valet eg tok, var å bu i eit 12-manns kollektiv med 11 andre Erasmus-studentar. Vi var alle i same båt og hadde lyst til å oppleve så mykje som mogeleg medan vi var der. Det var alltid nokon i kollektivet som ville finne på noko kjekt.

Mat: Som ein kan tenkje seg, vart det mykje pizza, pasta, gelato og Aperol Spritz på utvekslinga i Italia, sjølvaste opphavslandet til denne fantastiske maten.

Kollektivtransport: Kollektivtransporten der var heilt grei. Som mykje anna i Italia, var trafikken litt kaotisk, og ein kunne ikkje alltid stole på at bussen kom til rett tid. Eg opplevde dessverre å komme for seint til førelesingane på universitetet av og til på grunn av forsinka bussar.

Totalt sett var det eit uforgløymeleg opphald som gav meg minne for livet.

Eg er veldig takksam for at Sardinia har så nydelege strender. Frå September til November var vi på stranda opp til fleire gongar i veka. Strendene er også ofte ein plass ein møter venner for å spele volleyball, ha piknik og sjå solnedgangen.

Vi blei råda å vente til vi ankom Sardinia for å få hjelp til å finne ein boleg. Eg valde å fikse boleg før eg ankom Sardinia. Dette valget er eg veldig fornøgd med. Eg hadde eit rom som venta på meg i eit kollekitv fullt av andre Erasmus-studentar. Då kunne eg nyte den første tida i Cagliari, i staden for å stresse med å finne ein boleg.

(IA/0068/EN) Environmental Planning:

Emnet gir 6 studiepoeng

(2/61/067) European Integration:

Emnet gir 9 studiepoeng 

(LS/0091) English language and communication skills:

Emnet gir 6 studiepoeng.

(EC/0053) Spatial Tourism Data Analysis:

Emnet gir 6 studiepoeng.

Must do:

-Den beste måten å sjå øya på er å leige bil. Eg vil absolutt anbefale å reise på roadtrip rundt øya dersom ein har mogelegheit til det. 

Heads up: 

-For å trene på treningssenter må du ha ein medisinsk attest. Dette må du gjere hos ein italiensk lege og kostar runst 50 euro. Det kan vere lang ventetid for å få time hos legen, så det er lurt å vere tidleg ute!